ცოდნა

​

მაძიებელმა პროგრამის დასრულების შემდეგ უნდა იცოდეს:

• პირის ღრუსა და ყბა-კბილთა სისტემის განვითარების, ანატომიურ-ფიზიოლოგიური და ჰისტოლოგიური მახასიათებლები;

• სტომატოლოგიური დაავადებების კლასიფიკაცია;

• სტომატოლოგიური დაავადებების ეტიო-პათოგენეზი;

• პირის ღრუსა და ყბა-კბილთა სისტემის გამოკვლევის მეთოდები, მათი გამოყენების თანმიმდევრობა, გამოკვლევის შედეგების ინტერპრეტაცია და კლინიკური შეფასება;

• სამედიცინო დოკუმენტაციის შევსება;

• მუდმივი და სარძევე კბილების სისტემიზაცია;

• სტომატოლოგიურ დაავადებათა ეპიდემიოლოგია (გავრცელება, ინტესივობა);

• სტომატოლოგიურ დაავადებათა პრევენციის ძირითადი საკითხები, პროფილაქტიკურ ღონისძიებათა ტიპები და მათი ჩატარების აუცილებლობა;

• მოზრდილთა და ბავშვთა სტომატოლოგიური დაავადებების მართვა (მტკიცებულებებზე დაფუძნებული მკურნალობის უახლესი, თანამედროვე პრინციპები):

  • კარიესი და მისი მართვა;

  • არაკარიესული დაავადებები და მათი მართვა;

  • კბილების ტრავმული დაზიანებები და მათი მართვა;

  • პულპიტი და მისი მართვა;

  • პერიაპიკალური დაზიანებები და მათი მართვა;

  • პირის ღრუს ლორწოვანი გარსის ტრავმული დაზიანებები და მათი მართვა;

  • პაროდონტის დაავადებები (ბავშვთა ასაკში გინგივიტი, პაროდონტიტი, იუვენილური პაროდონტიტი, სწრაფად პროგრესირებადი პაროდონტიტი) და მათი მართვა.

• მკურნალობით გამოწვეული გართულებების მართვა;

• საბჟენ-სარესტავრაციო მასალების სელექციური გამოყენება;

• ესთეტიკური რესტავრაციის კონცეპტუალური პრინციპები;

• ენდოდონტიური მასალების შერჩევის პრინციპები;

• ანესთეზიისა და სედაციის ჩატარების თავისებურებები;

• რაციონალური ფარმაკოთერაპიის პრინციპები;

• დეონტოლოგიის პრინციპები (პაციენტებთან, პაციენტ-ბავშვებთან,
  და პერსონალთან ურთიერთობისას);

• ინფექციის კონტროლის საკითხები;

• პირველადი გადაუდებელი დახმარება;

• ბავშვთა ასაკში თერაპიული სტომატოლოგიის ძირითადი ასპექტები:

  • ბავშვთა პირის ღრუსა და ყბა-კბილთა სისტემის ასაკობრივი ანატომიურ- ფიზიოლოგიური და ჰისტოლოგიური მახასიათებლები;

  • ბავშვთა ყბა-კბილთა სისტემის ასაკობრივი განვითარების ვადები (სარძევე კბილთა ამოჭრისა და ექსფოლიაციის ვადები, ახალგაზრდა მუდმივი კბილების ამოჭრისა და ფესვის ფორმირების-აპექსოგენეზის ვადები, მინანქრის მომწიფების ვადები);

  • სტომატოლოგიური დაავადებების მიმდინარეობის თავისებურებანი ბავშვთა ასაკში;

  • სტომატოლოგიური დაავადებების მკურნალობის სპეციფიკა ბავშვთა ასაკში;

  • ბავშვთა ასაკში საბჟენ-სარესტავრაციო მასალების შერჩევის კრიტერიუმები;

  • ბავშვებისათვის სტომატოლოგიური სერვისის მიწოდების სპეციფიკა (ფსიქოლოგიურ-ასაკობრივი ასპექტების გათვალისწინება).

 

 

უნარები

 

მაძიებელმა პროგრამის დასრულების შემდეგ უნდა შეძლოს:

 

თერაპევტ-სტომატოლოგს შეუძლია შემდეგი კვლევის მონაცემების შედეგების ინტერპრეტაცია:

• რენტგენოგრაფია/ვიზიოგრაფია;

• პანორამული რენტგენოგრამით მიღებული შედეგების ინტერპრეტაცია;

• კბილის ვიტალობის განსაზღვრა (თერმოდიაგნოსტიკა, ელექტროოდონტოდიაგნოსტიკა);

• მინანქრის დემინერალიზაციის კლინიკური დიაგნოსტიკა (კბილების ვიტალური შეღებვა);

• ბავშვის პირის ღრუს ჰიგიენური ინდექსების განსაზღვრა (კბილების ვიტალური შეღებვა); (ფეოდოროვ-ვოლოდკინის, გრინ-ვერმილიონის);

• პაროდონტული ინდექსების განსაზღვრა (PMA, CPITN);

• ფესვის არხის სიგრძის განსაზღვრა (მათემატიკური, ელექტრომეტრული და რენტგენოლოგიური მეთოდი);

• ლაბორატორიული გამოკვლევები (ჰემატოლოგიური, მორფოლოგიური, ციტოლოგიური, მიკრობიოლოგიური, იმუნოლოგიური, ალერგოლოგიული).

 

თერაპევტ-სტომატოლოგს შეუძლია შემდეგი ჩარევების-კვლევების შესრულება. კერძოდ:

• რაბერ-დამის სისტემით საოპერაციო ველის იზოლაცია;

• კბილების, ღრძილებისა და პირის ღრუს ლორწოვანი გარსის გაუტკივარება - ადგილობრივი საანესთეზიო საშუალებების შერჩევა და მათი გამოყენება: რეგიონული, ინფილტრაციული, აპლიკაციური;

• სტანდარტული სადიაგნოსტიკო კლინიკური მეთოდების გამოყენება (მ.შ. ზონდირება, კბილთა მორყევის ხარისხის განსაზღვრა);

• პირის ღრუს პროფესიული ჰიგიენის ჩატარება;

• ადგილობრივი პროფილაქტიკური ღონისძიებების ჩატარება: მარემინერალიზებელი თერაპია, ფისურების ჰერმეტიზაცია;

• დროებით და მუდმივ დენტიციაში ოდონტოგენური დაავადებების მკურნალობისას საჭირო. კერძოდ:

  • მანუალური პროცედურების შესრულება. კერძოდ,კბილის/კარიესული ღრუს პრეპარირება (ბლეკის პრინციპითა და თავისუფალი დიაზინის პრინციპით, მინიმალურ-ინვაზიური თერაპია); დაბჟენა –რესტავრაცია;
    სამკურნალო სარჩულის მოთავსება; წკირებისფიქსაცია; კბილის ტრეპანაცია; პულპოტომია (დევიტალური ამპუტაცია, ვიტალური ამპუტაცია); პულპექტომია; არხების ენდოდონტიური დამუშავება (მექანიკურ-ქიმიური); ენდოდონტში დროებითი ნახვევის მოთავსება/ მედიკამენტების იმპრეგნაცია; არხების დაბჟენა (სილერითა და გუტაპერჩის ლატერალური კონდენსაციის მეთოდით, არხის საბჟენი პასტით-სარძევე კბილების).

  • თერაპიული ეფექტის უზრუნველყოფა. კერძოდ: დენტინოგენეზის სტიმულაცია; აპიკალური ოსტეოგენეზის სტიმულაცია; აპექსიფიკაცია; აპექსოგენეზი.

  • ლორწოვან გარსისა და პაროდონტის
    პათოგენური ან სიმპტომატური ადგილობრივი (დამუშავება - აპლიკაცია) და ზოგადი მედიკამენტური (ანტიმიკრობული, ანტივირუსული, ანტიმუკოზური, კერატოპლასტიკური, საანესთეზიო) თერაპია; პაროდონტული ჯიბების დამუშავება;

  • ბავშვის მონიტორინგი (მკურნალობის გამოსავლის/ შედეგის კლინიკური და რენტგენოლოგიური შეფასება);
    ბ.ი) კბილის ვიტალობის განსაზღვრა (თერმოდიაგნოსტიკა, ელექტროოდონტოდიაგნოსტიკა);

  • მინანქრის დემინერალიზაციის კლინიკური დიაგნოსტიკა (კბილების ვიტალური შეღებვა);

  • ბავშვის პირის ღრუს ჰიგიენური ინდექსების განსაზღვრა (კბილების ვიტალური შეღებვა-ფეოდოროვ-ვოლოდკინის,გრინ-ვერმილიონისმეთოდით); ბ.მ) პაროდონტული ინდექსების განსაზღვრა (PMA, CPITN);

  • ფესვის არხის სიგრძის განსაზღვრა (მათემატიკური, ელექტრომეტრული და რენტგენოლოგიური მეთოდი);

  • პაციენტთათვის ინდივიდუალური ჰიგიენური ჩვევების სწავლება;

  • ლაზეროთერაპია.

​